𝗣𝗥𝗘𝗦𝗬𝗢 𝗡𝗚 𝗟𝗣𝗚 𝗦𝗔 𝗖𝗔𝗨𝗔𝗬𝗔𝗡, 𝗪𝗔𝗟𝗔𝗡𝗚 𝗣𝗔𝗚𝗚𝗔𝗟𝗔𝗪

CAUAYAN CITY – Bagama’t may pagtaas sa presyo ng ilang bilihin, nananatiling walang pagbabago sa presyo ng LPG sa lungsod ng Cauayan.

Ayon kay Manuelito Laggui, nagbebenta ng LPG sa lungsod, ang huling pagtaas ng presyo ay noong Nobyembre 18, 2024, kung saan nadagdagan ito ng ₱10 kada cylinder.

Ang presyo ay nakadepende sa brand katulad ng Regasco na nasa ₱1,035, Shine Gaz na nasa ₱795, Multi-Gas na nasa ₱785, at SPI Gas na nasa ₱875.

Aniya, lumakas ang bentahan ng LPG noong holiday season kung saan umaabot sa mahigit 200 cylinder ang nabebenta nila kada araw.

Gayunpaman, nalilimitahan ang dami ng kanilang paninda dahil sa kakulangan ng suplay ng LPG sa lungsod.