Iginiit ng isang psychologist na hindi na kinakailangang ipaalam pa sa social media ang anumang away pamilya, kasunod ito ng usap-usapang isyu ngayon nina Gold Medalists Carlos Yulo at ng kanyang ina.
Sa naging panayam ng IFM Dagupan kay Wundt Psychological Institute Director Dr. Nhorly Domenden, ang mga nangyayaring hindi pagkakaunawaan o hidwaan sa pamilya ay nararapat na masolusyunan sa pagitan ng mga miyembro ng pamilya lamang.
Aniya, sa kaso ng mag-ina, kinakailangang mag-usap ang mga ito nang personal dahil maaaring makaapekto ang unresolved conflicts sa mental health ng dalawang panig.
Samantala, ipinakiusap din nito sa mga netizens ang pagbibigay komento sa naturang isyu na huwag nang dumagdag pa lalo na kung hindi naman sila nakatutulong upang masolusyunan ang problema. |𝙞𝙛𝙢𝙣𝙚𝙬𝙨
