𝗣𝗨𝗩 𝗖𝗢𝗡𝗦𝗢𝗟𝗜𝗗𝗔𝗧𝗜𝗢𝗡 𝗗𝗘𝗔𝗗𝗟𝗜𝗡𝗘, 𝗡𝗜𝗟𝗜𝗡𝗔𝗪 𝗡𝗔 𝗛𝗜𝗡𝗗𝗜 𝗝𝗘𝗘𝗣𝗡𝗘𝗬 𝗣𝗛𝗔𝗦𝗘𝗢𝗨𝗧 𝗔𝗡𝗚 𝗞𝗔𝗧𝗨𝗠𝗕𝗔𝗦 𝗡𝗜𝗧𝗢

Nilinaw ng pamunuan ng Land Transportation Franchising and Regulatory Board o LTFRB ang isyung kaugnay sa pinangangambahang jeepney phaseout ng ilang transport group sa bansa.

Inihayag ng Regional Director ng ahensya na hindi katumbas ng jeepney phaseout ang napipintong deadline ng PUV Units Consolidation sa darating ng Dec. 31 ngayong taon.

Binigyang diin na ang tanging deadline lamang ay ang pagcoconsolidate ng mga PUV units, tradisyunal man o modernized o ang pagpapabilang ng mga ito sa umiiral na kooperatiba.

Kasunod nito ang hindi na pahihintulutang pumasada ang mananatiling single entity o mga walang kinabibilangang kooperatiba maliban sa ilan pang nabanggit na kondisyon.

Samantala, hindi agad maipapatupad ang jeepney phaseout at hangga’t consolidated ang mga PUV units, magpapatuloy ang mga ito sa operasyon depende rin sa itinakdang regulasyon sa mga ito tulad sa aspeto ng Road Worthiness. |𝙞𝙛𝙢𝙣𝙚𝙬𝙨