𝗣𝗨𝗪𝗘𝗥𝗦𝗔 𝗡𝗚 𝗞𝗔𝗣𝗨𝗟𝗜𝗦𝗔𝗡, 𝗧𝗜𝗪𝗔𝗟𝗔𝗡𝗚 𝗠𝗔𝗚𝗜𝗚𝗜𝗡𝗚 𝗠𝗔𝗣𝗔𝗬𝗔𝗣𝗔 𝗔𝗡𝗚 𝗣𝗔𝗣𝗔𝗥𝗔𝗧𝗜𝗡𝗚 𝗡𝗔 𝗛𝗔𝗟𝗔𝗟𝗔𝗡

Naniniwala ang puwersa ng kapulisan sa Pangasinan na magiging mapayapa ang paparating na halalan sa susunod na taon matapos ang isagawa ang walong araw na CoC filing sa probinsya.

Sa pahayag ni PNP Pangasinan Provincial Director PCol Rollyfer Capoquian, bagamat wala pang tinutukoy ang COMELEC na election hotspot sa lalawigan, ay paiigtingin pa umano ng kanilang hanay ang pagbabantay sa publiko.

Iginiit rin ng opisyal na nanatili itong apolitical o walang pinapanigang partido. Sa ngayon, naghihintay ito ng direktiba mula sa Central Office para sa reassignment ng ilang pulis sa probinsiya sa nalalapit na halalan. |𝙞𝙛𝙢𝙣𝙚𝙬𝙨