𝗣𝟭𝟬-𝗠 𝗙𝗔𝗥𝗠-𝗧𝗢-𝗠𝗔𝗥𝗞𝗘𝗧 𝗥𝗢𝗔𝗗 𝗦𝗔 𝗖𝗔𝗕𝗔𝗧𝗨𝗔𝗡, 𝗜𝗡𝗔𝗔𝗦𝗔𝗛𝗔𝗡𝗚 𝗦𝗜𝗦𝗜𝗠𝗨𝗟𝗔𝗡 𝗔𝗚𝗔𝗗

CAUAYAN CITY – Isinagawa ng DSWD Region2 ang groundbreaking ceremony para sa Farm-to-Market Road project sa Brgy. La Paz, Cabatuan, Isabela.

May kabuuang haba na aabot sa 1.3 kilometers ang naturang kalsada at ang pondong inilaan dito ay nagkakahalaga ng mahigit P10-M mula sa programang KALAHI-CIDSS at kontribusyon ng nabanggit na barangay.

Malaking tulong umano ito sa mga mamamayan lalo na sa mga magsasaka dahil mas mapapabilis at mapapagaan na ang kanilang pagdadala ng produktong pang-agrikultura sa merkado.

Inaasahan namang sisimulan kaagad ang paggawa sa proyekto at matatapos ito bago matapos ang taong 2024.