Nasa 3,778 na magsasaka sa San Nicolas ang nabigyan ng fertilizer voucher mula sa Department of Agriculture sa ilalim ng programang National Rice Program.
Ito ay bilang suporta sa mga magsasaka upang maibsan kahit papaano ang gastusin sa mga materyal na pangangailangan upang magpatuloy ang produksyon ng bigas sa bayan.
Halos lahat ng mga magsasakang napamahagian ng naturang voucher ay mga nagtanim noong 2024 wet cropping season. Kabuuang Php 12,044,201.20 ang naipamahaging one-time voucher kung saan nakabase ang pamamahagi sa bahagi o lupang sinasaka ng mga magsasaka.
Patuloy naman ang panghihikayat ng tanggapan ng Department of Agriculture sa mga hindi pa rehistradong magsasaka na magparehistro na sa Registry System for Basic Sectors in Agriculture upang makatanggap rin at maging benepisyaryo sa iba’t-ibang serbisyong hatid ng pamahalaan. |𝙞𝙛𝙢𝙣𝙚𝙬𝙨
