Cauayan City – Isang matagumpay na anti-droga operasyon ang isinagawa ng magkasanib na puwersa ng Tabuk City Police Station at PIU/PDEU Kalinga PPO nitong Pebrero 16, 2026 sa Purok 6, Bulanao.
Nagsimula ang operasyon matapos matagpuan ng isang patroller ang marijuana bricks na nahulog mula sa backpack ng isang pasahero.
Nakumpiska ang dalawang tubular forms at isang brick ng pinatuyong marijuana na may kabuuang timbang na 1.45 kilo at tinatayang halagang ₱174,000, maging ang itim na backpack na ginamit sa pagtatago ng droga.
Dinala naman sa Tabuk City Police Station ang suspek ang nga nakumpiskang ebidensya at ipapadala sa Kalinga Provincial Forensic Unit para sa pagsusuri.
Ayon sa Kalinga PPO, ipinapakita ng operasyon na ito ang kanilang patuloy na pagtutok sa kampanya laban sa iligal na droga at sa pagpapanatili ng kaligtasan ng komunidad.
————————————–
Para sa update at iba pang mga balita, bisitahin ang aming facebook page 98.5 iFM Cauayan at ang aming website, www.rmn.ph/985ifmcauayan.
#985ifmcauayan
#idol
#numberone
#ifmnewscauayan
