Iminungkahi sa naganap na regular session sa Sangguniang Panlungsod ng Dagupan ang isang resolusyong tutugon ukol sa napansing umanong mangilan-ngilang depekto sa isinasagawang road elevation at drainage upgrades sa lungsod ng Dagupan.
Sa ilalim ng Draft Resolution – 6399, umapela ang may akda sa DPWH Pangasinan 2nd District Engineering na humiling sa mga project contractors ang pagsasaayos ng ilan umanong depekto sa mga road projects maging ang pagpapalit sa ginamit na substandard na mga materyales.
Inihayag ni Councilor Coquia ang naipaparating na mga saloobin ng ilang residente.
Hiling naman ni Councilor Mike Fernandez na kung maaari umano ay tukuyin kung saang bahagi ng road projects ang nais na masolusyunan.
Giit naman ni Coquia na mainam kung ito ay pangkalahatan upang masuri lahat at hindi lamang ang mga nakitang may depektibo na maaaring magdulot ng aksidente.
Samantala, nagpapatuloy hanggang sa kasalukuyan ang mga road projects na isa sa nakikitang dahilan upang maibsan ang problemang pagbaha sa Dagupan City. |𝙞𝙛𝙢𝙣𝙚𝙬𝙨
