‎𝗥𝗢𝗟𝗟𝗦-𝗥𝗢𝗬𝗖𝗘 𝗡𝗚 𝗠𝗔𝗚-𝗔𝗦𝗔𝗪𝗔𝗡𝗚 𝗗𝗜𝗦𝗖𝗔𝗬𝗔, 𝗡𝗔𝗜𝗕𝗘𝗡𝗧𝗔 𝗦𝗔 𝗖𝗨𝗟𝗧𝗨𝗥𝗔𝗟 𝗣𝗔𝗥𝗞 𝗦𝗔 𝗕𝗔𝗚𝗨𝗜𝗢 𝗖𝗜𝗧𝗬‎

‎
‎Cauayan City – Naibenta sa huling auction ang Rolls-Royce Cullinan na pag-aari ng mag-asawang Sarah at Curlee Discaya, na dating tampok sa kanilang mamahaling lifestyle bago lumabas ang kanilang koneksyon sa anomalya sa flood control projects.
‎
‎Ang luxury SUV ay nakuha ng Igorot Stone Kingdom Inc. (Iski), kompanyang nagpapatakbo ng 6-hectares cultural theme park sa Baguio City at naibenta sa halagang P29,026,000, bahagyang mas mataas sa floor price na P29,025,132.58.
‎
‎Ayon kay Pio Velasco, may-ari ng Iski, pinili nilang bilhin ang sasakyan upang mapanatili at mailigtas sa posibleng pagkasira.
‎
‎Dagdag pa nito, itinuturing nilang makasaysayan ang kotse dahil ito ang nagbukas ng mata ng publiko sa malawakang katiwalian sa bansa.
‎
‎Ang pagbebenta ng sasakyan ay bahagi ng patuloy na hakbang ng pamahalaan upang maibalik at maprotektahan ang mga ari-arian mula sa mga dating kontratista at opisyal na sangkot sa anomalya.

: INQUIRER

————————————–

‎Para sa update at iba pang mga balita, bisitahin ang aming facebook page 98.5 iFM Cauayan at ang aming website, www.rmn.ph/985ifmcauayan.

‎#985ifmcauayan
‎#idol
‎#numberone
‎#ifmnewscauayan