𝗥𝗧𝗪𝗣𝗕 𝗥𝗘𝗚𝗜𝗢𝗡 𝟮 𝗡𝗔𝗚𝗣𝗔𝗔𝗟𝗔𝗟𝗔 𝗦𝗔 𝗗𝗘𝗔𝗗𝗟𝗜𝗡𝗘 𝗡𝗚 𝗔𝗣𝗟𝗜𝗞𝗔𝗦𝗬𝗢𝗡 𝗣𝗔𝗥𝗔 𝗦𝗔 𝗪𝗔𝗚𝗘 𝗘𝗫𝗘𝗠𝗣𝗧𝗜𝗢𝗡

‎Cauayan City – Ipinapaalala ng Regional Tripartite Wages and Productivity Board (RTWPB) Region 2 na may ilang establisimyento na maaaring legal na maghain ng aplikasyon para sa wage exemption kaugnay ng bagong minimum wage.

Sa ilalim ng kasalukuyang Wage Order, maaaring maging kuwalipikado sa exemption ang mga retail o service establishment na may sampung (10) manggagawa pababa.

Saklaw din ang mga negosyong lubhang naapektuhan ng natural na kalamidad o mga insidenteng dulot ng tao gaya ng sunog, bagyo, at pagbaha.

‎Pinapayuhan ang mga establisimyentong pasok sa nabanggit na kategorya na sundin ang opisyal na alituntunin sa paghahain ng aplikasyon.

Maaaring tingnan ang kumpletong listahan ng requirements at procedures sa link na nakalagay sa kanilang official Facebook page o makipag-ugnayan nang direkta sa tanggapan ng RTWPB Region 2.

‎Ang itinakdang deadline ng pagsusumite ng mga dokumento ay bukas, Enero 3, 2026.

‎source: RTWPB Region 2

————————————–