𝗦𝗢𝗖𝗜𝗔𝗟 𝗠𝗘𝗗𝗜𝗔, 𝗧𝗔𝗥𝗚𝗘𝗧 𝗜𝗣𝗔𝗚𝗕𝗔𝗪𝗔𝗟 𝗦𝗔 𝗠𝗚𝗔 𝗠𝗘𝗡𝗢𝗥 𝗗𝗘 𝗘𝗗𝗔𝗗 𝗦𝗔 𝗦𝗣𝗔𝗜𝗡

‎Cauayan City – Ipinahayag ni Prime Minister Pedro Sánchez sa World Governments Summit sa Dubai ang plano ng Spain na ipagbawal ang social media sa mga kabataang wala pang 16 taong gulang upang protektahan sila mula sa “digital Wild West.”

‎Kasama rin sa panukala ang pananagutin ang mga kompanya sa ilegal o mapanganib na nilalaman sa kanilang mga platforms.

‎Bahagi ng plano ang pagpapatupad ng mas mahigpit na age verification at ang pananagutan ng mga kumpanya sa illegal and harmful content.

‎Ipagbabawal din ang pag-manipula ng algorithms na nagpapalaganap ng maling impormasyon at karahasan.

‎Kasama rin sa mga hakbang ang pag-iimbestiga sa mga social media platforms gaya ng Grok ng X, TikTok, at Instagram, na kasalukuyang sinusuri rin sa Europe at UK.

‎Habang sinusuportahan ng ilang partido ang panukala, tinututulan naman ito ng far-right na Vox.

‎Nagbabala naman ang ilang social media companies na maaaring mahirap ipatupad ang ganitong ban at maaari ring magdulot ng isolation sa mga kabataan.

‎Samantala, ilang bansa tulad ng France, Denmark, Austria, at UK ay nag-aaral din ng posibilidad na maglagay ng national age limit sa social media.
————————————–

‎Para sa update at iba pang mga balita, bisitahin ang aming facebook page 98.5 iFM Cauayan at ang aming website, www.rmn.ph/985ifmcauayan.

‎#985ifmcauayan
‎#idol
‎#numberone
‎#ifmnewscauayan