𝗦𝗧𝗥𝗘𝗘𝗧 𝗟𝗘𝗩𝗘𝗟 𝗜𝗡𝗗𝗜𝗩𝗜𝗗𝗨𝗔𝗟, 𝗡𝗔𝗦𝗔𝗠𝗦𝗔𝗠𝗔𝗡 𝗡𝗚 𝗧𝗔𝗧𝗟𝗢𝗡𝗚 𝗣𝗔𝗞𝗘𝗧𝗘 𝗡𝗚 𝗦𝗛𝗔𝗕𝗨

CAUAYAN CITY- Sa kulungan ang bagsak ng isang Street Level Individual matapos ang ikinasang drug buy-bust operation sa Brgy. Mabato-bato, Lamut, Ifugao.

Kinilala ang suspek na si alyas “Bobby”, nasa hustong gulang, at residente ng nasabing probinsya.

Narekober sa pag-iingat ng suspek ang tatlong (3) piraso ng heat sealed transparent plastic sachet na naglalaman ng hinihinalang shabu na may bigat na 1.3 gramo na tinatayang nagkakahalaga ng P7,684.

Dinala ang suspek sa himpilan ng Lamut Police Station para sa kaukulang dokumentasyon habang isinumite ang mga nakumpiskang ebidensya sa Nueva Vizcaya Provincial Forensic Unit para sa pagsusuri.

Mahaharap naman ang suspek sa kasong paglabag sa RA 9165 o Comprehensive Dangerous Drugs Act of 2002.