Sa kasalukuyan, bagamat may nakabinbin nang mga notice of price adjustments ay hindi muna ipapatupad ang hiling na price increase ngunit ngayong buwan din ay uumpisahan na umano ang pagpapalabas ng desisyon kaugnay nito ng pamunuan ng Department of Trade and Industry (DTI).
Sa kabilang banda, ilang mga Pangasinenses ang dumadaing sa nararanasang nananatiling mataas na presyo ngayon ng ilang mga grocery items tulad ng delata na halos nasa hanggang sampung piso umano ang itinaas.
Mataas din daw sa ngayon ang presyuhan sa bigas maging ilang pang mga pangunahing mga bilihin kaya’t aminado na hirap ang mga ito sa pagbabudget.
Samantala, ilan sa mga inaasahang magkakaroon ng price adjustments ngayong 2024 bunsod ng pagsasaalang-alang ng mga manufacturers sa gastos sa raw at packaging materials ay ang mga produkto gaya ng processed milk, kape, tinapay, instant noodles, bottled water, processed canned meat at canned beef, condiments, batteries, toilet soap, at kandila. |𝙞𝙛𝙢𝙣𝙚𝙬𝙨
