𝗧𝗔𝗠𝗔𝗡𝗚 𝗦𝗔𝗛𝗢𝗗 𝗡𝗚 𝗠𝗔𝗡𝗚𝗚𝗔𝗪𝗔 𝗦𝗔 𝗛𝗢𝗟𝗜𝗗𝗔𝗬𝗦, 𝗜𝗣𝗜𝗡𝗔𝗟𝗜𝗪𝗔𝗚 𝗡𝗚 𝗗𝗢𝗟𝗘

Cauayan City — Inilabas ng DOLE ang Labor Advisory No. 17, Series of 2025, na nagtatakda ng sahod para sa mga espesyal at regular na holidays.

Itinuturing na special non-working days ang 8 December o Feast of the Immaculate Conception, 24 December o Christmas Eve, at 31 December New Year’s Eve.

Para sa mga magtatrabaho sa mga araw na ito, dapat bayaran ang empleyado ng dagdag na 30% sa basic wage, at karagdagang 30% para sa oras na lampas sa walong oras.

Samantala, ang 25 December o Christmas Day at 30 December, Rizal Day, ay regular holidays, kung saan ang nagtatrabahong empleyado ay makakatanggap ng 200% ng sahod sa unang walong oras at dagdag na 30% sa sobrang oras.

Nilinaw ng DOLE na ang layunin ng advisory ay matiyak ang tamang sahod at benepisyo ng mga manggagawa ngayong Kapaskuhan at Bagong Taon.

Source: DOLE