𝗪𝗜𝗡𝗗 𝗦𝗜𝗚𝗡𝗔𝗟 𝗦𝗔 𝗕𝗔𝗧𝗔𝗡𝗘𝗦, 𝗜𝗕𝗜𝗡𝗔𝗕𝗔 𝗡𝗔 𝗦𝗔 𝗡𝗨𝗠𝗕𝗘𝗥 𝗢𝗡𝗘

CAUAYAN CITY- Ibinaba na ng Philippine Atmospheric Geophysical and Astronomical Services Administration sa signal number 1 ang Batanes mula sa typhoon signal number 2 kahapon, ika-24 ng Hulyo.

Ayon sa PAGASA, inaasahan na tuluyan nang lalabas ng Philippine Area of Responsibility (PAR) si Bagyong Carina ngayong umaga.

Gayunman, inaasahan pa rin na uulanin ang malaking bahagi ng Luzon dahil na rin sa patuloy na paghatak ni Bagyong Carina sa Southwest Monsoon o Hanging Habagat.

Samantala, inaasahan naman na magaganap ang final landing ng bagyo mamayang hapon o gabi sa Southern China.