𝟭𝟵 𝗠𝗜𝗟𝗬𝗢𝗡 𝗡𝗔 𝗛𝗔𝗟𝗔𝗚𝗔 𝗡𝗚 𝗧𝗨𝗟𝗢𝗡𝗚, 𝗡𝗔𝗜𝗣𝗔𝗠𝗔𝗛𝗔𝗚𝗜 𝗡𝗚 𝗗𝗦𝗪𝗗 𝗙𝗜𝗘𝗟𝗗 𝗢𝗙𝗙𝗜𝗖𝗘 𝟭 𝗦𝗔 𝗠𝗚𝗔 𝗣𝗔𝗠𝗜𝗟𝗬𝗔𝗡𝗚 𝗡𝗔𝗔𝗣𝗘𝗞𝗧𝗨𝗛𝗔𝗡 𝗡𝗚 𝗕𝗔𝗚𝗬𝗢𝗡𝗚 𝗖𝗔𝗥𝗜𝗡𝗔

Umabot na sa higit 19 milyong halaga ang naipamahaging tulong ng Department of Social Welfare and Development Field Office 1 sa mga apektadong pamilya sa rehiyon bunsod ng pananalasa ni Bagyong Carina.

Ayon sa ahensya, sa nasabing halaga kabilang dito ang 25,022 na family food packs, 162 hygiene kits at 158 sleeping kits.

Sa huling tala ng kagawaran nasa higit 92,000 na ang bilang ng mga apektadong pamilya sa rehiyon o katumbas ng higit 343,000 na indibidwal sa 955 na barangays. Nasa 241 na kabahayan din ang nasira ng Bagyong Carina sa rehiyon.

Samantala, tiniyak ng kagawaran na magtutuloy-tuloy ang relief operations ng ahensya sa mga apektadong pamilya. |𝙞𝙛𝙢𝙣𝙚𝙬𝙨