Cauayan City – Buong pwersa ng Public Order and Safety Division Cauayan City ang pagbabantay sa nasasakupan ng lungsod ng Cauayan ngayong may banta ng bagyo.
Sa eksklusibong panayam ng iFM News Team kay POSD Chief Pilarito Mallillin, kagaya ng nakagawian kapag may nararanasang bagyo ay talagang 24/7 ang kanilang ginagawang pagbabantay upang masiguro ang kaligtasan sa buong lungsod ng Cauayan.
Aniya, ang 42 na POSD personnels ay may kanya-kanyang areas na dapat bantayan upang masiguro na kaagad makakapag respunde sakali man na mayroong maitalang insidente o mayroong mangailangan ng tulong.
Samantala, patuloy na nakikiusap si Chief Malillin sa mga Cauayeño na ngayong panahon ng sakuna ay unahin ang kanilang kaligtasan at sumunod sa mga umiiral na patakaran at mga ordinansa.
