𝟮 𝗟𝗔𝗟𝗔𝗞𝗜, 𝗧𝗜𝗠𝗕𝗢𝗚 𝗦𝗔 𝗕𝗨𝗬-𝗕𝗨𝗦𝗧 𝗢𝗣𝗘𝗥𝗔𝗧𝗜𝗢𝗡

CAUAYAN CITY- Himas rehas ngayon ang dalawang indibidwal matapos ang ikinasang buy-bust operation ng mga otoridad sa Sapang Palay Brgy. Mabini, Santiago City.

Kinilala ang mga naarestong suspek na sina alyas “Kevin”, 27-anyos, at si alyas “Jay”, 41-anyos, at pawang mga residente ng nasabing lungsod.

Nasamsam sa mga suspek ang isang (1) piraso ng heat sealed transparent plastic sachet na naglalaman ng hinihinalang shabu, buy-bust money, at cellphone.

Sa kasalukuyan, ang mga suspek ay nasa kustodiya ng Santiago City Police Office Station 4 para sa kaukulang dokumentasyon.

Samantala, mahaharap naman ang mga ito sa kasong paglabag sa RA 9165 o Comprehensive Dangerous Drugs Act of 2002.