Pambato ng Dagupan City ang 7th Rage Dancers sa isang prestihiyosong Dance Supremacy International Philippines Competition na gaganapin sa Quezon City sa darating na ika-7 ng Setyembre ngayong taon.
Ang The 7th Rage ay mula sa Brgy. Bolosan, na nagsimula pa noong taong 2011.
Ilang kompetisyon na rin sa bansa ang sinalihan ng mga ito na humubog sa kanilang husay.
Ayon sa Isang miyembro ng grupo na si Ciara Lopez, marami ang gustong mapabilang sa kanilang grupo na ngayon ay mayroon ng 21 miyembro.
Pangarap ng grupo na maipakita ang galing ng kabataan ng Dagupan sa pagsasayaw hindi lang sa bansa maging sa international stage.
Ngayon pa lamang labis na ang pasasalamat ng grupo sa suporta na ipinapakita Dagupan City sa kanilang pang apat na kompetisyon. |𝙞𝙛𝙢𝙣𝙚𝙬𝙨
