𝟴𝟱% 𝗣𝗥𝗘𝗦𝗘𝗡𝗦𝗬𝗔 𝗡𝗚 𝗞𝗔𝗣𝗨𝗟𝗜𝗦𝗔𝗡 𝗦𝗔 𝗣𝗔𝗠𝗣𝗨𝗕𝗟𝗜𝗞𝗢𝗡𝗚 𝗟𝗨𝗚𝗔𝗥 𝗦𝗔 𝗣𝗔𝗡𝗚𝗔𝗦𝗜𝗡𝗔𝗡 𝗡𝗚𝗔𝗬𝗢𝗡𝗚 𝗛𝗢𝗟𝗜𝗗𝗔𝗬 𝗦𝗘𝗔𝗦𝗢𝗡, 𝗣𝗔𝗜𝗜𝗚𝗧𝗜𝗡𝗚𝗜𝗡

Mas paiigtingin ng kapulisan sa Pangasinan ang pagbabantay nito sa mga pampublikong lugar ngayong Holiday Season.

Ayon sa isang panayam kay Pangasinan Police Provincial Office, Provincial Director PCOL, Rollyfer Capoquian, sa tuwing holiday season nararanasan aniya ang pagtaas ng nakawan at iba pang klase ng pananamantala.

Dahil dito,mahigpit ang pag-iimplementa ng kanilang hanay na dapat umabot sa 85% ng kapulisan ang nasa pampublikong lugar.

Aniya, mayroong nakahanda ring public assistance desks sa mga munisipalidad at siyudad para sa mas mabilis na pagtugon sa mga krimen.

Samantala, ilan lamang sa tututukan ng pulisya ay ang mga bus terminals, simbahan, palengke, malls, at maging sa mga tourist destinations. |𝙞𝙛𝙢𝙣𝙚𝙬𝙨