Gibana-banang nagbalo sa 1.2 milyon pesos ang damyos sa pagkasunog sa motorpoll office sa DENR Reg 10 niadtong sabado sa gabii.
Gibutyag ni SFO1 Imelda Barazan, ang imbestigador sa Bureau of Fire and Protection ning syudad nga nadawat nila ang sunog mga ala 9:15 sa gabii ug na under control kini pagka-alas 10:02 ug na fire out pag-abot sa alas 10:27 sa gabii, kung asa miabot sa ika-upat nga alarma ang maong insidente.
Dugang pa ni SFO1 Barazan, nga nagsugod ang kalaya sa motorpoll sa gipuy-an sa ilang stay in nga utility nga si Felger Patenio kauban ang iyang tulo ka anak, nga silang Feljap, otso anyos, Felger Jr, kwatro anyos ug Fel Amer, tres anyos.
Atol sa insidente, nasunog usab ang duha ka sakyanan sa DENR-10, samtang padayon karong giimbestigahan ang gigikanan sa sunog.
