Davao City – Mokabat sa 411,470 ang nabakunahan sa Davao City kontra COVID-19 sa unang dose samtang 279,744 sa second dose base sa August 10, 2021 nga datos sa Davao COVID-19 Task Force.
Sumala ni COVID-19 Task Force Spokesperson Dr. Michelle Schlosser, 70% sa 1.8 million nga populasyon sa Davao City ang gikinahanglang mabakunahan aron makab-ot ang herd immunity kun1.2million ka mga tawo.
“We are almost half-million sa atoang first dose. Congratulations sa vaccination team ug sa mga Dabawenyos kasi even if limited ang allocation, makit-an gyud ang willingness sa mga taga Davao nga gusto jud magpa vaccine,” sumala niini.
Segun ni Schlosser, adunay timeline ang syudad sa pagkab-ot sa herd immunity apan mag-agad ra gihapon kini sa alokasyon sa bakuna gikan sa national government. Gilaraw sa dakbayan nga mas padaghanon pa ang vaccination sites aron mas accessible kini sa publiko ug mapaspasan ang vaccination roll-out .
Sa kasamtangan adunay 56 vaccination sites ilawom sa Davao City Health Office (CHO).
RadyoMaN Aimee Guinita
