Kana ang gikumpirma ni Jenielito Atillo, ang DepEd XI Spokesperson atol sa AFP-PNP press conference gahapon, July 24, 2024. Butyag niya nga target karon sa rehiyon ang maka-enroll og 1.5 million ka mga estudyante nga mas taas kumpara sa kapin 1.4 million niadtong school year 2023-2024.
Giawhag ni Atillo ang mga ginikanan nga dili pakyason ang higayon nga ipa-enroll ang anak tungod dili pa sigurado kung adunay enrollment extension tungod mahuman na kini ugma, July 26, adlaw nga Byernes.
“We will be hoping nga ma-realize nato na pinaagi pud sa participation sa mga ginikanan. Gihingusgan nato ang panawagan ngadto sa mga ginikanan nga wala pa nagpa-enroll. Pa-enroll namo because the deadline as set is scheduled on July 26, 2024 and we do not know yet if there is an extension,” matud pa ni Atillo.
Dugang sa tigpamaba nga nanghinaut sila nga mamahimong normal ug luwas ang abri klase karong Lunes, July 29, 2024 pinaagi usab sa tabang sa kapulisan nga magbutang og police visibility sa matag tulunghaan sa rehiyon.
Sa katapusan, positibo ang DepEd XI nga sila 95% ready na sa balik eskwela.
RadyoMaN Ivy Parido
