Davao City- Dul-an dos milyones ang kadaut o damyos sa nahitabong sunog sa Purok San Jose, Carmelite, Buhangin dakbayan sa Davao pasado ala una sa hapon kagahapong adlawa.
Di momenos sa 30 ka mga panimalay ang totally damage samtang padayon pang gina assess sa pagkakaron sa City Social Services and Development Office kung pila ang partially damage.
Sa interbyu sa DXDC RMN Davao kang SFO2 Ramil Gillado, Fire Arson Investigator sa Davao City Fire District, nasayran nga nagsumikad ang pag ulbo sa dakong kalayo sa ikaduhang andana sa panimalay nga gipanagiyahan ni Christina Naira.
Sa kalamboan sa gihimong imbestigasyon sa BFP XI, gibutyag ni Gillado nga electric short circuit ang hinungdan sa maong sunog.
Temporaryong gipanghiklin ang mga apektadong residente sa gymnasium sa Barangay Buhangin sa pagkakaron.
Nadawat sa BFP Davao ang tawag pasado ala una sa hapon ug gideklara kining fireout pasado alas kwatro sa hapon. Way kinabuhing nakalas sa sunog nga milungtad sa kapin 3 ka oras.
Kasamang Aimee Guinita
tags: Mindanao, Davao City, DXDC, DXDC 621, Aimee Guinita, BFP XI, SFO2 Ramil Gillado
