Kapin sa 1.8 Million Pesos nga balur sang ginapatihan shabu ang nakuha sang mga kapulisan sang Police Station 8 sa ginpatigayon nga Drug Buy Bust Operation pasado las tres sini nga hapon sa Purok Acacia 1, Barangay Pahanocoy, Bacolod City.
Ang suspek ang ginkilala kay Kimberly Berbor Rufin, 25 anyos residente sang Purok Mainuswagon, Barangay 30 Syudad sang Bacolod.
Sa interview sang RMN-Bacolod, ginsiling ni P/Major Charles Gever, Hepe sang Police Station 8, ang suspek ang isa ka High Value Target Personality, sa diin narecover sa iya nga possession ang 6 ka Dalagku nga sachet sang suspected shabu, nga may kabug-aton nga 150 Gramos, duha ka libo ka pesos nga buy bust money kag isa pa gid ka daku nga plastic sachet sang shabu bilang buy bust item.
[image: image.png]
