El Regional Trial Court Branch 14 na Ipil Zamboanga Sibugay , ya man affirm con el proclamacion di Carlnan Climaco como el verdero elihido alcalde del municipalidad del Tungawan, Zamboanga Sibugay durante el Mayo 9, 2016 Automated Local Eleccion na un election protest case que ya planta el su contringkante nombrao como si Ferdauz W. Radja.
Na un decision que ya hace sale del junio 25, 2018, el RTC Branch 24, ya encontra falso el evidencia que ya presenta el campo di Radja si por que ya hace sale con el mencionao decision el Honorable Hues Anthony D.T Isaw.
El alcalde Climaco y si Radja amo el solamente ya corre como alcalde del Tungawan del Mayo 9, 2016 eleccion, donde con Climaco ya proclama como el elihido alcalde immediatamente despues el canvassing del electronically transmitted election returns, despues que ya puede le saca el 8, 432 voto, mientras si Radja ya puede saca el 7, 914 voto.
(photo:ctto: Tungawan LGU
