Ta esta pa siempre largao el unu del tres maga detenido del Philippine Drug Enforcement Agency (PDEA9) quien ya escapa desde na detention cell na mencionao headquarter del pecha 28, este mes.
Na report ya puede obtene el RMN Zamboanga ta aparese si Saddam Unsang ta esta pa perdido hasta este maga tiempo.
Acordando si Unsang hunto con el dos otro maga detenido canda Tenten Duran y Muaser Abdula ya escapa banda alas 7 del aga.
Asegun el un PDEA agent ya alcansa canila un caldero de canon pero envez recivi estos, ya rumpuja sila con el PDEA agent hasta ya tumba este.
Cuando tumbao ya el PDEA agent, ya entabla estos pa apuera del PDEA Headquarter pero con canda Duran y Abdula dayun ya puede coji mientras si Unsang ya puede desaleja na lugar y perdido pa hasta este maga tiempo.
Asegun el tres todo ya salew arestao na operacion contra droga.
