Davao City- Padulong na unta manirado ang usa ka tindahan sa LPG sa dihang miulbo ang sunog sa lugar alas 8:40 kagabii sa Brgy. Poblacion, Compostela, Davao de Oro.
Sa interview sa DXDC RMN Davao kang FO3 Andronico A. Pernites, Compostela Fire Station fire investigator, gibutyag niini nga adunay usa ang kritikal, 5 samdan ug 11 ka stalls ang nasunog, 5 totally damage, 6 partially damage.
Dugang sa fire investigator, sagad samdan mao ang mga trabahante sa tindahan nga nasunog samtang adunay duha ka sibilyan nga nag-side car ang miagi lang ug nadamay.
“Sa pagkakaron wala pa gyud… wala pa man gud nato na-interview tong survivors… Padulong na unta to sila manirado, gihipos nila ang LPG ug gipangsulod sa tindahan,” segun ni Pernites.
Sa karon, ginasuta pa sa kabomberohan ang rason ug damyos sa nagpadayon nilang imbestigasyon. Milungtad sa usa ka oras ang sunog una kini napalong.
RadyoMaN Renz Barbarona
