TACLOBAN CITY – Usa la nga insidente han firecracker related case an naitala ha Eastern Visayas Regional Medical Center o kun EVRMC ha pagsaurog han kapaskuhan.
Sumala kan Dr. Lloyd Amparado, Medical Officer 3 ha EVRMC, usa nga 19 anyos nga babaye nga taga Palanog Tacloban City an nabiktima han pabuto kun diin temporyo nga nabungol an pasyente. Ini daw an pinaka una nga insidente nga nakatala la hin usa nga firecracker related incident an mao nga hospital yana nga kapaskuhan.
Dugang pa ni Dr. Amparado, nga magpapadayon nga naka code white alert an EVRMC para han pangandaman han pagtapo han bag-o nga tuig kun diin posible pa nga madugngan an mga mabiktima han mga paburuthon.
Facebook Comments
