Timbog ang isang lalaki na tulak ng ilegal na droga sa Taguig City matapos ikasa ang buy-bust operation laban sa kanya.
Nakilala ang suspek na si Jimmy Garcia Silvestre, alyas “JimJim”, 36-anyos at residente ng Brgy. Calzada.
Nakuha mula sa kanya ang 16.10 grams ng shabu na may katumbas na halagang P109,480.00.
Narekober din ng mga pulis and cellphone ng suspek na hinihihalang naglalaman ng mga contact number ng kanyang mga parokyano at pinagkukunan ng droga.
Ginawa ang nasabing operasyon sa 114 F. Manalo St. Brgy. Calzada pasado alas-10:00 kagabi.
Nakakulong na ang suspek sa Taguig City Police Custodial Facility at nahaharap ito sa kasong paglabag sa Republic Act 9165 o Comprehensive Dangerous Drugs Act of 2002.
Facebook Comments
