Muerto el marido del barangay chairwoman del La paz mientras na hospital pa el diila trabahador despues egual sila ya man lumus y ya sufoca adentro del 32 pies de hondo poso na La Paz enantes aga.
Con el muerto ya conose como si Walter Dalingay, 59, marido di Capitana Ancelita Dalingay mientras el diila trabahador amo si Robin Delos Reyes, 20.
Asegun serca man alas 10 del aga ya manda si Walter con Delos Reyes limpya diila poso.
Pero cuando talya ya na pondo del poso si Delos Reyes, ya pidi este ayuda con Walter cay ta tormenta ya este resulya.
Dayun tambien si Walter ya abaha para salva con Delos Reyes pero hasta ele ya sufoca.
Ambos canilados ya man rescue diilafamilya y ya lleva na hospital pero si Walter ya despidi mientras si Delos Reyes ta esta admitido na un hospital.
