Ta enfrenta ahora monton reclamo el un negociante despues este ya hace curña consu Toyota HI-Lux con ciete maga persona donde uno destos ya muri anoche na Tetuan y na Tugbungan.
El incidente ya sosede alas 11 del noche donde primero el vejiculo ta maneja si Abdel Aziz Alfad y Geronimo mientras pasando este na Falcatan Street, Tetuan accidentalmente ya puede etse man bangga con un mojer.
Pero envez de para, ya entabla este para na Tugbungan y de llegar lampas na barangay hall ya cae el dos rueda na lao derecha na porcion del calsada que ta compone.
De precurar este hace subi su vejiculo para na cementao calsada ya hace este bien corre hasta ya guinda na lao esquierda del camino donde ya man bangga este con un grupo de maga gente donde tiene diila ta come balut mientras el losdemas ta camina pa bolbida.
Ya muri porcausa del incidente amo si Bernie Astillero y Muntilla, 25, de Tumaga.
Mientras seis otro irido y ya lleva canila na hospital amo canda; Mary Jamarulin y Abellon, 33, single, of Lunzuran; Jackelyn Masuki y Bautista, 31, married of Tugbungan; Jemalyn Sacmar y Alconaba, 22, of Tugbungan; Jhonel Salboro y Gutierez, 14 of Tugbungan; Mark Anthony Guarino, 22, of Tugbungan; Shaima Pasifico and Al Nashram Duha, of Tugbungan.
Con Alfad dayun ya puede aresta el pulis.
