South Cotabato – 1 patay samtang 1 angol human nakuryentihan samtang sila anaa sa General Santos Drive, Purok Kahirup, Barangay Zone II, Koronadal City.
Giila ang biktimang namatay nga si Ronald Genegabuas, 34, minyo ug residente sa Poblacion, Polomolok, South Cotabato. Angol ang kaubanan niining si Jonwayne Panez Suarez, 33, ug residente sa Purok Cannery, Polomolok, Susamang ug mga impleyado sa Dole Philippines.
Subay sa imbistigasyon, sakay ang nasampit sa usa ka prime mover truck nga may kargang boiler machine padulong sa Surallah galing gikan sa lungsod sa Polomolok.
Nasayran nga ang duruha maoy tig-bantay sa mga wires nga posibling masangit sa dako nilang truck. Niadotng tungura, aksidenting natarug sa ilang sakyanan ang wire nga dunay taas nga bultahi nga iyaha sa SOCOTECO – 1, ila kining gitanggal nga maoy ginungdan nga sila nakuryentihan.
Gidala pa sa ospital ang mga nahisgutan apan nakabsan gyud ug kinabuhi si GeneGabuas samtang nagpaalim pa ang kaubanan niining si Suarez. Sa kasamtangan nagpadayon pa ang imbistigasyon sa nasangpit nga insidenti.
