1 patay, 1 angol sa bangga sa duha ka motor sa Tupi

19

TUPI, South Cotabato — Usa ang patay samtang usa usab ang angol sa pagbangga sa duha ka motorsiklo sa kalsada nga sakop sa Purok 2, Barangay Poblacion, sa maong lungsod.

Lambigit sa aksidente ang usa ka Skygo nga motorsiklo nga ginamaneho sa usa ka Rondon Dingan, 25, residente sa Sitio Lampitak, Tampakan, South Cotabato ug usa pa ka motor nga gimanihuan ni Mark Anthony Ocariza, 23, ug residente sa Purok 3, Riverside, Barangay Poblacion, Tupi.
Nasayran nga gikan matud pa sa relocation site sa Barangay Bunao ang motorsiklo ni Dingan apan pag abot sa lugar, nagbangga ang motorsiklo niini ngadto sa motorsiklo sa Ocariza.
Gikaingong walay suga ang motor ni Ocariza mao nga wala mabantayan sa biktima.


Samang nangatumba ang duha ka motorsiklo nga miresulta sa pag-angkon ug grabeng samad sa biktimang si Dingan kansa gideklarang dead on arrival samtang si Ocariza, nakaangkon usab ug mga samad sa iyang kalawasan.

Sa karon nagpadayon pa ang gihimong imbistigasyon kalabutan sa maong insidenti.

Facebook Comments

From Advertisers