Patay sa nagluntad nga pagpangluthang ang isa ka persona nga ginkilala kay Datu Ain Alamada, 44 years old sa bahin sang Purok Namnama, Brgy. New Cuyapo, Tantangan, South Cotabato, alas 3:15 sang hapon, Setyembre 3, 2021.
Pilason naman ang duha ka mga kaupdanan sang biktima nga sanday Baila A. Mangabpil kag Binabai Akil Saladang pareho residente sang Purok Maharlika, Barangay Poblacion, Tantangan, South Cotabato,
Sa inisyal nga imbestigasyon sang Tantangan MPS, nagamaneho sang iya Top-down ang biktima upod ang duha ka mga kaupdanan padulong sa Tacurong City sang gintiro sang duha ka wala nakilal-an nga suspek sakay sa XRM motorcycle, color black and white, wala sang plate number.
Nakaangkon ang biktima sang igo sang bala sa mga nagkalain-lain nga parte sang iya nga lawas nga nangin tunaan sang hinali sini nga kamatayon.
Samtang ang duha ka mga pilason ang gilayon man nga gindala sa opsital para sa nagakaigo nga medikasyon.
Nakuha naman sa crime scene ang walo ka basyo kag duha ka slugs sang kalibre 45 nga armas luthang nga ginsubmitir naman sa South Cotabato Provincial Crime Laboratory Office para sa ballistic kag cross matching examination.
Gilayon man nga nagpatigayon sang hot- pursuit operation ang mga kapolisan sa posible pagkilala kag aresto sang mga suspek.
