1 patay, 3 pilason matapos nagbunggo ang salakyan sa generator sang isa ka bangko

Gindeklara nga dead on arrival si Clarence Gasapo, 27 anyos tuga sang patal nga pilas sa ulo matapos nagbunggo ang ginasakyan nga Toyota Vios nga ginamanehar ni Josefina Savari, 60 anyos sang Guzman St., Mandurriao, Iloilo City sa generator sang BDO sa Gen. Luna St., Iloilo City kaina sang kaagahon.

Gindala man sa hospital ang iban pa nga mga pilason nga sanday Philip Jhun Hojilla, 23 anyos, Rusticttelo Abecino, 20 anyos kag Carmil Savari, 23 anyos, lunsay residente sang Hibao an Norte, Mandurriao, Iloilo City.

Samtang, yara na sa paghinakop sang Iloilo City Police Station 1 ang driver sang salakyan nga si Josefina Savari.


Santo sa imbestigasyon, nadulaan sang kontrol sa manebela ang driver rason nga nakabunggo ini.

Facebook Comments