Malungon, Sarangani Province–Dead on arrival sa balay tambalanan ang usa ka Danny Rosales, 34 anyos, Foreman ug nanimuyo sa barangay mabuhay ning syudad human nga madat-ugan kini ug Elf nga gisakyan niini alas 5:40 ang takna sa buntag kagahapong adlawa sa Sitio San Roque, Barangay Nagpan, Malungon Sarangani Province, samtang samdan ang mga kaubanan niining pahenante nga silang Roldan Rosales, 28, Candelario Rosales, 31 anyos, Angelito Bigno, 31 anyos nga nanimuyo sa Barangay Mabuhay, ug usa ka Tanie Ganar Desierto, 49 anyos usa ka laborer nga nanimuyo sa Barangay San Isidro ning syudad.
Sumala pa ni Police Staff Sergeant Crisanto Baculna ang imbistigador sa maong kaso nga pa padulong unta sa kiblawan ang elf nga gimanihuan sa usa ka Leonardo Borbon Jr., 38 anyos nga nanimuyo sa Zamboanga Sibugay Dala ang mga construction materials apan pag abot sa Sitio San Roque, Nagpan, Malungon, kalit matud pa nga nawad-an ug preno ang gimanihuan niini nga elf mao nga nawad-an sab kini ug kontrol hangtod nga mibalintong.
Sa karon nagpaabot pa ang kapulisan kung magpasang-at ug kaso ang kabanay sa mga biktima batok sa driver nga si Borbon, samtang gilayon man usab giasikaso sa nanag-iya sa construction company ang mga nasamdan nga mga biktima.
Gihingusgan usab sa driver nga si Leonardo Borbon nga kalit matud pa kaayo ang maong insidente.
Sumala pa niini nga sa dihang panaog na ang gimanihuan nining elf sa sa lugsungon nga bahin sa kalsada nga sakop sa Barangay Nagpan, nakadungog kini ug buto didto na namatikdan as nasampit nga aduna nay deperensya ang preso sa sakyanan hangtud nga nawad-an siya ug control.
Dugang pa sa nahisgutan nga gisuwayan pa niini ug timon ang iyahang sakyanan tungod kay nasayod kini nga aduna siyay mga kasugat apan wala mipaak ang break niini ug didto na mibalintong.
Gihingusgan usab ni Borbon nga hinay lang ang iyang padagan ug ayha sila mibyahe, gi-check gyud niya ang kondisyon sa iyang sakyanan nga gimanihuan.(Dave Silagan)
