CAUAYAN CITY –NASAWI ANG ISANG 53-ANYOS NA BABAE HABANG LIMA NAMAN ANG SUGATAN MATAPOS MAHULOG SA BANGIN ANG KANILANG SINASAKYANG MONTERO SA BAYAN NG BONTOC, MOUNTAIN PROVINCE NOONG LINGGO NG GABI, IKA-28 DISYEMBRE.
KINILALA NG BONTOC MUNICIPAL DISASTER RISK REDUCTION AND MANAGEMENT OFFICE (MDRRMO) ANG NASAWI NA SIYA RING NAGMAMANEHO NG SASAKYAN NA SI CHERYLINA GESTON DALILIS, RESIDENTE NG PICO, LA TRINIDAD.
NANGYARI ANG AKSIDENTE SA KAHABAAN NG BONTOC–MAINIT PROVINCIAL ROAD, PARTIKULAR SA SITIO ARATEY, BARANGAY GUINA-ANG KUNG SAAN NAHULOG ANG SASAKYAN SA TINATAYANG 20 METRONG LALIM NA BANGIN AT TULUYANG HUMINTO SA ISANG PALAYAN.
MATAPOS MAKATANGGAP NG TAWAG HINGGIL SA INSIDENTE, AGAD RUMESPONDE ANG BONTOC MDRRMO AT NATAGPUAN ANG BIKTIMA NA WALANG MALAY SA TABI NG WASAK NA SASAKYAN. IDINEKLARA SIYANG DEAD ON THE SPOT ANG BIKTIMA DAHIL SA MATINDING PINSALA SA ULO NA DULOT NG AKSIDENTE.
AGAD DING NAILIGTAS NG MGA AWTORIDAD ANG LIMA NIYANG KASAMA NA KINILALANG SINA EUNICE GESTON-ANDAYA, EUNARK GESTON ANDAYA, DESTINY GESTON DALILIS, CLEIJTER GESTON ANDAYA, AT KEN SHANE KEWAN.
AYON SA MGA DOKTOR, PINAYAGAN NANG MAKAUWI SINA CLEIJTER AT KEN SHANE MATAPOS MALAPATAN NG LUNAS, HABANG ANG TATLO PA AY INILIPAT SA CORDILLERA HOSPITAL OF THE DIVINE GRACE SA WANGAL, LA TRINIDAD PARA SA KARAGDAGANG GAMUTAN.
