TACLOBAN CITY – Usa na liwat an naitala nga namatay matapos kumaon hin pangtion nga positibo ha paralytic shellfish poison o mas kilala nga red tide ha Brgy. Tigdarano, Tarangnan, Samar.
Ginkilala an biktima nga hi Rommel Balsote, 39 anyos ngan residente han nasabi nga lugar. Hi Rommel ngan lima pa nga myembro hiton iya pamilya in naconfine ha hospital matapos kumaon hin pangtion.
Base ha datos han Bureau of Fisheries and Aquatic Resources tikang Nobyembre 2 ngadto Nobyembre 21, in mayada na 39 nga naospital nga mga mulopyo matapos kumaon hin pangtion nga tikang ha kadagatan han Samar.
15 na an naapektuhan ha Tarangnan Samar, 12 ha Catbalogan, 3 ha Daram, 1 ha Sta. Rita, ngan 8 ha San Sebastian, Samar.
Base ha Shellfish Bulletin number 38 series of 2017, positibo la gihapon han red tide an kadagatan han Daram, Irong-irong bay, Maqueda bay, Villareal bay ngan Cambatutay bay ha Western Samar, Matarinao bay ha Eastern Samar, ngan Carigara bay ha Leyte.
Mahugot la gihapon nga pahinumdom han BFAR nga likayan la anay an pagkaon han bisan ano nga pangtion mahitungod nga diri ini talwas ha human consumption.
Samtang talwas na ha red tide toxin, an Cancabato bay ha Tacloban, coastal waters han Calubian, Leyte Leyte ngan katubigan han Biliran province.
