Sa inpormasyon nga gipadala sa DXDC RMN Davao ni Police Lieutenant Colonel Kristopher Sabsal, Acting Chief of Police sa Sta. Cruz Municipal Police Station, ang mga nalambigit nga mga sakyanan mao ang usa ka Prime mover, Pick up, Sports Utility Vehicle (SUV) ug motorsiklo.
Ang Prime mover gimaneho sa usa ka Shelo Merto, hamtong, minyo, walay lisensya. Ang Pick up gimaneho sa usa ka Lee Van Clint Flores, hamtong, walay lisensya samtang ang motorseklo gimaneho ni Alexander General, hamtong, walay lisensya. Samtang, ang SUV gimaneho ni Romeo Taclob, adunay driver’s license.
Sa imbestigasyon, nagbiyahe padulong Southbound ang Prime mover (inner lane) ug ang SUV (middle lane), samtang pa-Northbound usab ang Pick up (middle lane) ug motor (outer lane).
Pag-abot sa lugar, kalit lamang nawad-an og kontrol ang Pick up rason nga miabot sa pikas lane ug didto na kini nabangga sa Prime mover. Mibangga usab ang Prime mover sa SUV, ug ang Pick up ngadto sa motorsiklo.
Tungod sa kusog nga impact, nakaangkon og major injuries ang driver sa Pick up rason sa iyang kamatayon. Dali usab nga gidala sa hospital ang uban pang samaron.
Ginasuta pa karon kung pila ang kinatibuk-ang danyos tungod sa insidente.
RadyoMaN Kirby Manzon
