Davao City- Gikumpirma karon ni Davao City Mayor Inday Sara Duterte Carpio nga aduna nay 1 ka patayng lawas nakit-an sa mga firefighters sa Bureau of Fire Protection atol sa nahitabong sunog sa NCCC Mall of Davao.
Matod sa mayor hangtod karon wala gihapon niundang ang mga firefighters sa pagpangita sa lain pang 36 ka mga natrap sulod sa mall.
Dugang pa niya, iya nang naistorya ang mga personahe sa maong mall ug mitambag kini nga ilang asikasohon ang ilang business samtang maningkamot ang lokal nga panggamhanan sa pagpangita sa mga missing indviduals.
Gikanayon sa mayor nga iya na usab naistorya ang mga personahe sa SSI ug nangayo kini og masterlist sa mga tawo nga anaa sa sulod apan naglisod usab ang maong kompanya sa pag provide sa maong listahan gumikan nasunog apil ang ilang mga records.
Ang mga pamilya ug paryente sa mga na trap sa sunog anaa nagpabilin karon sa SPMC.
Alayon niini, miingon usab ang mayor nga dili makatabang ang paghatag og negatibong komento atol sa sitwasyon. Dugang pa niya mas maayong maghulat na lang sa inbestigasyon sa BFP.
Sa pagkakaron gideklara na sa BFP nga under control na ang sunog sa maong establisimiento.
Sa pikas bahin miingon si Mayor Inday nga kanselado na ang mga nahibiling events sa Pasko Fiesta 2017.
“Kitang tanan makig simpatiya sa tanang mga namatyan and sa mga nabahaan. This is not the time na maglipay-lipay and magparty pa. So what we should do is number 1 we stay with our families, we celebrate our christmas with our families and we say our prayers and thank God for all the blessings that we have received for the past year”
RadyoMaN Abi Bibera
