Davao City – Nag negatibo sa Coronavirus kun COVID-19 ang usa ka Person Under Investigation nga 77 anyos nga Australiano nga naka-confine sa isolation facility sa Southern Philippines Medical Center kun SPMC.
Kini gikumpirma ni Dr. Ricardo Audan, SPMC Chief of Clinics atol sa pakighinabi sa RMN Davao.
Dugang niini, gikatakda na usab i-discharge ang nahisgutan.
Kahinumduman nga dunay duha ka mga PUI ang natala sa Davao Region sukad niadtong Sabado apan matud ni Audan nga wala nay laing pasyente sa rehiyon nga ginamonitor sa COVID-19.
Samtang sa AFP tally, anaa na sa 110,000 ka mga kaso ang natala sa tibuok kalibutan diin anaa sa dul-an 4,000 ang natalang patay gumikan sa maong virus.
RadyoMaN Aimee Guinita/RadyoMaN Renz Barbarona
Facebook Comments
