Davao City – Laing hugna na usab sa water service interruptions ang masinati sa pipila ka mga konsumante sa syudad sa Davao karong Agosto 31 ug Setyembre 1 ug 2 ning tuiga.
Sa gipagulang advisory sa Davao City Water District kun DCWD, sa Set A, 10 ka oras nga walay supply sa tubig karong Agosto 31, adlawng biyernes sa bahin GSIS Heights Subd.: Polaris, Comet, Pluto, Mercury, Mars, Virgo, Eagle, Aquarius, Saturn, Jupiter, Planet, Galaxy, Milkyway, Surveyor, Apollo, Ranger, Telstar, Oak, Pisces, Capricorn, Rhine, Mapple, ug Willow st; bahin sa Phil.- Japan National Highway: gikan sa Langub Road ngadto na sa Green Valley.
Lakip maapektuhan ang Brgy. Langub areas: Sitio Mohon, San Nicolas HOA, San Vicente HOA, Langub Elementary School, ug Green Valley; Kasadpang bahin sa Las Terrazas; entero Royal Pines Subd., Santos Cuyugan Road, White Rock, Shrine Hills Road, Matina Hills, ug Jack’s Ridge diin matud pa tungod kini sa pagahimuon nga paglimpyo ug Disinfection sa GSIS Reservoir No. 1.
Samtang sa Set B, 16 ka oras nga walay supply sa tubig karong Setyembre 1 nga magsugod alas 9 sa buntag kutob ala 1 sa kadlawun, adlawng Domingo diin maapektuhan niini ang entero E. Jacinto Street (gikan sa corner sa Quirino Avenue ngadto na sa M. L. Quezon Boulevard lakip ang Ateneo de Davao University ug Holy Child College of Davao); bahin sa M. L. Quezon Boulevard (gikan sa corner sa S. Artiaga St. ngadto na sa corner sa E. Jacinto St.); bahin sa Roxas Avenue (gikan sa corner sa Padre Zamora St. ngadto na sa corner M. L. Quezon Boulevard); Diaz Alley, Coloma St., Ruth Alley ug; bahin sa Padre Zamora St., Padre Gomez St., S. Artiaga St., Padre Faura St., ug A. Quezon St. (tanang gikan sa corner sa E. Jacinto St. ngadto na sa corner sa Roxas Avenue.
Samtang hinay ngadto sa walay supply sa tubig ang masinati sa mga konsumante diha sa pipila ka bahin sa Brgy. 21-C ug 31-D gikan sa corner sa Artiaga St. ngadto na sa Fatima St. partikularminte sa E. Jacinto Ext., Roxas Avenue Ext., Bonifacio Ext., Mabini Ext., ug mga kanait nga lugar niini.
Matud sa DCWD nga looping works ang hinungdan sa Set B interruption samtang gipasalig sa buhatan nga mamahimong mabalik gilayon ug walay mutumaw nga mga problema atol sa pagtrabaho.
Mamahimo lang usab mutawag sa DCWD’s 24-hour hotline 297-3293 alang sa dugang mga pangutana.
RadyoMaN Renz Barbarona
