Sa interbyu sa DXDC RMN Davao kang Police Senior Master Sergeant Sanchez Dito, imbestigador sa Tagum City Police Station, giila niini ang biktima nga si alyas Jan, 10 anyos, residente sa Apokon, Tagum City, diin kini sakay sa motor nga gimaneho sa iyahang amahan nga si Jeromy Oca.
Samtang, ang driver sa truck mao si Romeo Estimada, 63 anyos.
Saysay ni Dito, nagsunod ang duha ka sakyanan diin nag-una ang motor, sa dihang kalit kini’ng nag-left turn, rason nga kalit usab nga mipadulong sa pikas lane ang truck hinungdan nga nabanggaan niini ang mag-amahan.
Saysay sa pulis, planong mag-areglo ang duha ka kampo ug mipasalig ang tag-iya sa truck nga mutabang sa pagpahilona sa biktima.
“Naa may verbal settlement nila. Gi-refer nako sila either sa lawyer o sa barangay kay Monday pa daw sila mag-adto didto. Ginatabangan na ‘to atong complainant para mahilona ‘tong namatay. Ilang gitabangan,” sulti ni Dito.
Panawagan sa awtoridad ilabi na sa mga motorista nga mag-amping ilabi na diha sa paglawig sa kadalanan aron malikay sa unsa mang insidente.
RadyoMaN Kirby Manzon
