Davao City – Padayon ang gilusad nga search and retrieval operation sa otoridad sa Purok 13, Awhag Subd. Brgy. 19-B aron mapalgan ang lawas sa usa ka 10 anyos nga batang lalake nailang si Airo Aquino human nalumos ug na-missing niadtong milabay’ng bulan sa (Enero 29, 2021), adlaw nga Biyernes.
Kini sumala ni Veejay Lajera, ang team leader sa Emergency Medical Services (EMS) sa nasangpit nga barangay.
Kahinumdoman nga gilusad ang search and retrieval operation gikan sa Bucana Brgy.76-A,San Rafael, Brgy.9-A hangtod sa Brgy.19-B apan wala silay napalgan nga patayng lawas.
Segun ni Lajera nga nakigkoordinar na sila sa City Disaster Risk Reduction management Council (CDRRMC) aron nga mapadayon ang pagpangita sa maong bata.
Gipaabot ni Lajera ngadto sa mga Brgy. Official sa ubang barangay nga makigkoordinar kun duna ba silay makit-an nga patay’ng lawas sa bata partikular sa Davao River ning Dakbayan.
RadyoMaN Don Pulayao
