Davao City – Nakaplagang wala nay kinabuhi ang usa ka 10 anyos nga batang lalaki nga si Jonh Mark Oducayin Recadorba, residente sa may Purok Kalubin-an, Catalunan Grande ning siyudad sa Davao.
Sa report sa Talomo PNP, ulahing nakita ang biktima alas 3:30 sa hapon kagahapon kinsa nagdula duol sa usa ka dakung kanal nga gina construct sa usa ka ganghaan sa may Elenita Heights Subdivision.
Sa pagpangita sa igsoon ni Joh Mark, nakaplagan nga naglutaw na sa kanal ug wala nay senyales nga duna pa kiniy kinabuhi.
Gisulayan pa sa pagtabang sa Mobile 14 sa Cetral 911 ang biktima apan gideklara na kining patay.
Anaa na sa Anghel Funeral homes sa Toril ang patay’ng lawas sa ni John Mark ug gikinahanglan nga iagi kini sa awtopsiya aron masuta kun duna bay foul play sa kamatayon sa maong biktima.
RadyoMaN Paul Canono
