Inatasan na ni PNP Chief General Jose Melencio Nartatez Jr., ang Directorate for Intelligence at Criminal Investigation and Detection Group o CIDG para imbestigahan ang umano’y sindikatong binuo ng 10 dating PNP personnel.
Ang nasabing direktiba ay matapos ang pahayag ni Secretary of the Interior and Local Government Jonvic Remulla na may 10 pulis na konektado umano sa kriminal na sindikato.
Ayon kay PNP Spokesperson PBGen. Randulf T. Tuaño, patuloy ang validation na isinasagawa ng pulisya kaugnay sa nasabing grupo na sangkot sa extortion at kidnapping activities.
Dagdag pa nya, sinumang kabahagi aktibo man o hindi ay mananagot lahat sa batas.
Bukod sa agarang imbestigasyon, iniutos din ni Nartatez ang muling pagsusuri ng mga internal monitoring system para maiwasan ang katiwalian na maaaring magpatuloy kahit matapos ang pagreretiro o pagkakatanggal sa serbisyo.
