Davao City – Giimplementar na sa lokal nga gobyerno sa syudad sa Davao ang 10 % nga pagsaka sa business tax rate base sa bag-ong local revenue code 2017.
Sumala ni Erwin Alparaque, Tax Research and Action Team (TRACT) head nga ang pag amyenda sa Tax Code alang kini sa syudad nga maka gama og pondo aron makasuporta sa mga serbisyo ug proyekto nga gitanyag.
Dugang ni Alparaque nga sakto ug g kinahanglan na ang giingong pagtaas sa business tax.
Sulod sa dose ka tuig, sigun ni Alaparaque nga ang mga pamatigayon sama sa restaurants, cafes, ug uban pang pagkaonan mibayad lang og P1,261.25 base sa provision nga less than P50,000 sa ilang annual gross income apan karon mikolekta na ang syudad og 1,497.38 ilawum sa amended tax code.
Samtang dunay annual gross income nga P200,000 ngadto sa P250,000, kolektahon na gikan kanila ang P3,226.47, samtang kadtong dunay of P1 million to P2 million annual gross income, gisugdan na ang pagkolekta kanila og P9,160.31 isip business tax.
Lauman nga sa pagusbaw sa business tax rate, muusbaw ang tax collection nga makatabang sa pagumento sa annual budget sa syudad alang sa tuig 2019.
RadyoMaN Renz Barbarona
