Davao City – Aduna nay napulo (10) ka mga gun ban violator ang natala sa Police Regional Office (PRO)-XI kalabot sa umaabot nga Barangay ug Sangguniang Kabataan Elections (BSKE) 2023.
Sa pakighinabi sa DXDC RMN Davao kang Police Major Catherine Dela Rey, tigpamaba sa PRO-XI, iyang gibutyag nga sa napulo ka gun ban violators, unom niini natala sa Davao City, duha sa Davao de Oro, ug tag-usa sa Davao del Norte ug Davao Occidental.
Segun ni Dela Rey nga sa napulo, tulo ka gun ban violators nakuha atol sa buy-bust operation.
“Padayon ang amoang ginahimo COMELEC checkpoints. Padayon ang atong monitoring ug pagpanakop aning nagadala og firearms outside of their residences,” matud ni Dela Rey.
Nagsugod ang election gun ban niadtong August 28, 2023 ug mulungtad hangtud November 29, 2023.
RadyoMaN Kirby Manzon
Facebook Comments
