Davao City – Gidala ang pulo ka mga estudyante sa Southern Philippines Medical Center kun SPMC human nga miulbo ang sunog sa sa St. John Paul II College of Davao nga nahimutang sa Ecoland ning syudad sa Davao kagahapon sa hapon.
Sa report sa Talomo PNP, 10 ka mga estudyante ang nangalipong human nakasimhot og aso gikan sa kalayo nga miulbo gikan sa ika unom nga andana sa maong tulunghaan.
Sa imbestigasyon nga bandang alas 4 sa hapon samtang adunay nag welding sa ika unom nga andana sulod sa maong tulunghaan, aksidenteng nahulogan og flux gikan sa welding ang usa ka electric fan hinungdan sa pag-ulbo sa sunog.
Dugang niini, usa ka oras lang ang milabay, mi-alarma na usab ang laing sunog sa mao lang gihapon nga tulunghaan apan didto na nahitabo sa nursing station tungod na usab nag short circuit ang electric fan.
Hinuon daling napalong sa kabomberohan ang maong sunog ug ginasuta pa ang damyos sa nasangpit nga pag-ulbo sa kalayo.
RadyoMaN Paul Canono
